પાગલપંતી ફિલ્મની સ્ટારકાસ્ટ આજકાલ ફિલ્મના પ્રમોશનમાં વ્યસ્ત છે. આ દરમિયાન એક વીડિયો સોશિયલ મીડિયા પર સામે આવ્યો છે, જેમાં ફિલ્મની સ્ટાર કાસ્ટ ઇન્ટરવ્યુ લેનાર ટીમ સાથે મળીને પુલકિત સમ્રાટ સાથે એક પ્રેન્ક કરતી જોવા મળી રહી છે.
વીડિયોમાં અનિલ કપૂર અને જોન અબ્રાહમ ખુરશી પર બેઠેલા જોવા મળી રહ્યા છે. તેમની વચ્ચે ખુરશી ખાલી છે. અનિલ પુલકિતને કહે કે તે તૈયાર છે તો આવીને તે ખાલી ખુરશી પર બેસી જાય. અને જેવો પુલકિત ‘હા સર’ કહેતાની સાથે સીટ પર બેસવા જાય છે ત્યાજ નીચે પડી જાય છે. આ જોઈને બધા હસી પડે છે. ખુરશીઓ ઉપર સફેદ કાપડ મૂકવામાં આવ્યું હતું, જેથી એવું લાગતું હતું કે વચ્ચે ખુરશી છે, પરંતુ હકીકતમાં ખુરશી પાછળની તરફ કરી દીધી હતી.
તમને જણાવી દઈએ કે ફિલ્મ ‘પાગલપંતી’ માં અનિલ કપૂર, જોન અબ્રાહમ, પુલકિત સમ્રાટ, અરશદ વારસી, કૃતિ ખરબંદા, ઉર્વશી રોતેલા અને ઇલિયાના ડિક્રુઝ જેવા સ્ટાર્સ છે. આ ફિલ્મમાં ‘વેલકમ’ જેવો જ ટચ આપવાનો પ્રયાસ કરવામાં આવ્યો છે. હવે જોવાનું રહેશે કે મેકર્સનો આ અપ્રોચ દર્શકોને પસંદ આવશે કે નહીં. આ ફિલ્મ 22 નવેમ્બરે થિયેટરોમાં રિલીઝ થશે.
