પુણેની પોર્શ ઘટનામાં મોટો ખુલાસો થયો છે. સોમવારે પુણે પોલીસે જણાવ્યું હતું કે સગીર આરોપીના લોહીના નમૂના લીધા બાદ તેને ડસ્ટબીનમાં ફેંકી દેવામાં આવ્યો હતો. પોલીસે પુરાવા સાથે ચેડા કરવા અને સેમ્પલ બદલવાના આરોપસર બે ડોક્ટરોની ધરપકડ કરી છે. આ પહેલા પોલીસને શંકા છે કે આ કેસમાં ડ્રાઈવરને ફસાવવાનો પ્રયાસ થઈ રહ્યો છે.
19 મેના રોજ બનેલી ઘટના બાદ સગીર આરોપીને મેડિકલ તપાસ માટે સસૂન જનરલ હોસ્પિટલમાં લાવવામાં આવ્યો હતો. હવે પુણેના પોલીસ કમિશનર અમિતેશ કુમારે દાવો કર્યો છે કે સાસૂન જનરલ હોસ્પિટલના ડોકટરોએ આરોપીના લોહીને અન્ય વ્યક્તિના લોહીથી બદલ્યું હતું જેણે દારૂ પીધો ન હતો. આટલું જ નહીં, તેનો દાવો છે કે ડોક્ટરોએ આરોપીના સેમ્પલ ડસ્ટબિનમાં ફેંકી દીધા હતા.
સોમવારે જ પોલીસે ફોરેન્સિક વિભાગના વડા અને એક ડોક્ટરની ધરપકડ કરી હતી. તેમની ઓળખ ડૉ. અજય તાવરે અને શ્રીહરિ હરનોર તરીકે થઈ છે. હાલ ક્રાઈમ બ્રાન્ચ આ મામલે તપાસ કરી રહી છે. ખાસ વાત એ છે કે પ્રારંભિક ટેસ્ટમાં લોહીમાં આલ્કોહોલ જોવા મળ્યું ન હતું, પરંતુ જ્યારે બીજી હોસ્પિટલમાં બીજી ટેસ્ટ કરવામાં આવી અને ડીએનએ પણ ટેસ્ટ કરવામાં આવ્યો તો જાણવા મળ્યું કે બંને સેમ્પલ અલગ-અલગ વ્યક્તિઓના છે.
