સુપરસ્ટાર સલમાન ખાનની બહુચર્ચિત ફિલ્મ દબંગ-3નું ટ્રેલર લોન્ચ કરી દેવામાં આવ્યું છે. આ ફિલ્મ 20 ડિસેમ્બરે રિલીઝ થવાની છે. ફિલ્મનું ટ્રેલર દમદાર છે અને તે કહેવું પડશે કે સલમાન ખાન પહેલાથી વધુ દબંગ અંદાજમાં જોવા મળી રહ્યો છે. દબંગ 3મા સાઉથ સુપરસ્ટાર કિચ્ચા સુદીપ નેગેટિવ રોલમાં જોવા મળશે. ફિલ્મમાં સુદીપની ભૂમિકાનું નામ બલ્લી હશે. આ ફિલ્મથી મહેશ માંજરેકરની પુત્રી સઈ માંજરેકર પણ બોલીવુડમાં પર્દાપણ કરવા જઈ રહી છે. દબંગ 3ના મોશન પોસ્ટરે ફેન્સનો ઉત્સાહ વધારી દીધો છે……..
ચુલબુલ પાંડેના રોલમાં સલમાન ખાનની દબંગાઈ ભરપૂર માત્રામાં જોવા મળી છે. ટ્રેલરમાં રજ્જોના રોલમાં સોનાક્ષીની અદાઓ પણ જોવા મળી છે. સલમાન ખુદને ટ્રેલરમાં ‘પુલિસવાલા ગુંડા’ કહીને સંબોધે છે. આ ફિલ્મમાં સલમાન ખાનના ભૂતકાળને બતાવવામાં આવ્યું છે અને તેના ભૂતકાળના લવ ઇન્ટરેસ્ટ ખુશીને બતાવવમાં આવી છે. ખુશીના રોલથી મહેશ માંજરેકરની દીકરી સઈ માંજરેકરે બોલિવૂડ ડેબ્યુ કર્યું છે. સુદીપ કિચા વિલનના રોલમાં છે અને તે ભૂતકાળનો ચુલબુલ પાંડે ઉર્ફે સલમાનનો દુશ્મન હોય છે. ફિલ્મમાં એક્શન સિક્વન્સ ભરપૂર છે. વરીના હુસૈન સ્ટારર આઈટમ સોન્ગની ઝલક પણ દેખાડવામાં આવી છે. ભાઈની દિલધડક ફાઇટિંગ પણ બતાવવામાં આવી છે.
