નવું વર્ષ એટલે કે 2024 દસ્તક આપવાનું છે. જો તમે પણ નવા વર્ષ નિમિત્તે નવી કાર અથવા બાઇક ખરીદવાનું વિચારી રહ્યા છો, તો આ સમાચાર તમારા માટે છે. વર્ષ 2024ની શરૂઆતમાં એટલે કે જાન્યુઆરી મહિનામાં ઘણી મોટી કંપનીઓ પોતાની નવી કાર અને બાઇક લોન્ચ કરવા માટે તૈયાર છે. આ યાદીમાં ઓટો સેક્ટરની દિગ્ગજ કંપની Hyundai, Kia India અને Royal Enfield સામેલ છે. જાન્યુઆરી મહિનામાં લોન્ચ થનારી આ કાર અને બાઇકની ગ્રાહકો આતુરતાથી રાહ જોઈ રહ્યા છે. ચાલો જાન્યુઆરી 2024માં લૉન્ચ થનારી આ મોસ્ટ અવેટેડ કાર અને બાઇક વિશે વિગતવાર જાણીએ.
કિયા સોનેટ ફેસલિફ્ટ
Kia ઈન્ડિયા, જેને ભારતમાં ખૂબ જ પસંદ કરવામાં આવે છે, તે આવતા મહિને તેની મોસ્ટ અવેઈટેડ Kia Sonet ફેસલિફ્ટની કિંમતો જાહેર કરશે. કંપનીએ આ કારનું બુકિંગ શરૂ કરી દીધું છે. કારની ડિલિવરી ફેબ્રુઆરી મહિનાથી શરૂ થવા જઈ રહી છે. તેના ઈન્ટીરીયર અને એક્સટીરીયરમાં ઘણા બધા અપડેટ કરવામાં આવ્યા છે. તેના ઈન્ટિરિયરમાં 10.25 ઈંચની HD ટચસ્ક્રીન ઈન્ફોટેનમેન્ટ સિસ્ટમ પણ આપવામાં આવી છે. Kiaની આ કાર 1.5 લિટર ડીઝલ અને 1 લિટર ટર્બો પેટ્રોલ એન્જિન સાથે મેન્યુઅલ અને ઓટોમેટિક ટ્રાન્સમિશન વિકલ્પો સાથે આવી રહી છે.
હ્યુન્ડાઈ ક્રેટા ફેસલિફ્ટ
Hyundai Creta ભારતમાં સૌથી વધુ વેચાતી કાર છે. Hyundai 16 જાન્યુઆરીએ ઘણા બધા અપડેટ્સ સાથે Creta facelift લોન્ચ કરવા જઈ રહી છે. Hyundai Cretaની આ અપડેટેડ કારને સંપૂર્ણપણે નવી ફ્રન્ટ ફેસિયા અને લેટેસ્ટ સેન્સ્યુઅલ સ્પોર્ટીનેસ ડિઝાઇન આપવામાં આવી છે. Hyundai Cretaમાં નવું 1.5 લિટર ટર્બો પેટ્રોલ એન્જિન લાઇનઅપ આપવામાં આવ્યું છે.
રોયલ એનફિલ્ડ શોટગન 650
બીજી તરફ રોયલ એનફિલ્ડ તાજેતરમાં જ અનાવરણ કરાયેલ શોટગન 650 લોન્ચ કરશે. Royal Enfield Shotgun 650 ની કિંમત લગભગ 3.3 લાખ રૂપિયા (એક્સ-શોરૂમ) છે. Royal Enfield Shotgun 650 માં કંપનીના ફ્લેગશિપ Super Meteor 650 ક્રૂઝરની સરખામણીમાં નાના વ્હીલ્સ, અલગ ગિયરિંગ, એક સ્ટ્રેટ હેન્ડલબાર, નવી ફ્યુઅલ ટાંકી અને બોડી પેનલ્સ સાથે LED હેન્ડ લેમ્પ હશે.
