આયુષ્માન ખુરાનાએ ચાહકોને ‘બધાઈ હો’, ‘ડ્રીમ ગર્લ’ જેવી ફિલ્મ્સથી હસાવ્યા છે.
હવે, એક્ટરની નવી ફિલ્મ ‘બાલા’નું ટ્રેલર આવ્યું છે. આ ફિલ્મમાં પણ ચાહકોને ભરપૂર હસાવશે, તે નક્કી છે. ફિલ્મમાં આયુષ્માન ખુરાનાના વાળ નાની ઉંમરમાં જતા રહ્યાં હોય છે અને તેને કારણે આસપાસના લોકો તેની મજાક ઉડાવે છે. આ કારણે તેનો આત્મવિશ્વાસ ડગી જાય છે. આ ફિલ્મને અમર કૌશિકે ડિરેક્ટ કરી છે……ફિલ્મમાં ભૂમિ પેડનેકર તથા યામી ગૌતમ પણ છે. ભૂમિએ સ્મોલ ટાઉન યુવતીની ભૂમિકા ભજવી છે, જે ગૌરી સ્કીન પાછળ ક્રેઝી છે. યામી ટિક ટોક સ્ટારના રોલમાં છે. જોકે, આયુષ્માને યામીને પોતાની વાળની સમસ્યા અંગે જણાવ્યું નથી. વાળ માટે આયુષ્માન ખુરાના શક્ય તેટલા પ્રયાસો કરે છે, જેમાં તે સ્પ્રે, પાવડર, વિંગ્સ, ગાયનું છાણ સહિતના ઉપાયો અજમાવે છે. આ ફિલ્મ 7 નવેમ્બરે રિલીઝ થઈ રહી છે.
