ડ્રીમ ગર્લની સફળતા બાદ એકતા કપૂર હવે દિશા પટણીને લઈને કૉમેડી ફિલ્મ બનાવી રહી છે. યુવાનો અને બાળકોમાં ટાઇગર શ્રોફ જેમ ફૅમસ છે એમ જ હિરોઇનમાં દિશા પટની ફૅમસ છે. આથી જ એકતાએ તેની આગામી ફિલ્મ માટે તેને સાઇન કરી છે.આ વિશે વધુ જણાવતાં એકતાએ કહ્યું હતું કે યુવાનોમાં દિશા ખૂબ જ ફૅમસ છે અને આ રોલમાં એના કરતાં અન્ય કોઈ હિરોઇન બંધબેસતી મને નથી લાગતી.
તેના ઇનોસન્ટ ચહેરાની પાછળની તેની વાઇલ્ડ સાઇડને હું એક્સપ્લોર કરીશ. આ ફિલ્મની સ્ટોરી દિશાની આસપાસ ફરશે. વર્ક ફ્રન્ટની વાત કરવામા આવે તો દિશા પટની હાલમાં એક ફિલ્મ કરી રહી છે. આ ફિલ્મનુ નામ મલંગ છે. જેમાં તે આદિત્ય રોલ કપુરની સાથે નજરે પડશે. ફિલ્મમાં અનિલ કપુર અને કૃણાલ ખેમુ પણ જોવા મળશે. દિશા પટની છેલ્લે સલમાન ખાન અભિનિત ફિલ્મ ભારતમાં નજરે પડી હતી.
