ગુજરાતમાં ચૂંટણી માહોલ જામ્યો છે. દિગ્ગજો પણ ઝંઝાવાતી ચૂંટણી પ્રચાર માટે મેદાને ઉતર્યા છે, ત્યારે આણંદમાં પ્રચાર અર્થે આવેલા કેન્દ્રીય પ્રધાન સ્મૃતિ ઈરાની પાણીપુરીની મજા માણતા નજરે ચડ્યા હતા. સ્મૃતિ ઈરાનીએ ભાજપ કાર્યકરો સાથે રોડની સાઇડમાં ઉભા રહીને પાણીપુરીની મજા માણી હતી. સ્મૃતિ ઈરાની આણંદ બેઠકના ઉમેદવાર યોગેશ પટેલના કાર્યાલયના ઉદ્ઘાટન પ્રસંગે હાજર રહ્યા હતા. અહીં તેમને ભાજપની જીતનો વિશ્વાસ વ્યક્ત કર્યો હતો.
ઉલ્લેખનીય છે કે ભાજપ-કોંગ્રેસ તેમજ આપ દ્વારા પોત પોતાના ઉમેદવારો જાહેર કરી દીધા છે. ભાજપ દ્વારા ઉમેદવારોના પ્રચાર માટે સ્ટાર પ્રચારકોને પ્રચારમાં ઉતાર્યા છે. ત્યારે આણંદના ભાજપના ઉમેદવાર યોગેશ પટેલનાં ચૂંટણી પ્રચારમાં કેન્દ્રીય મંત્રી સ્મૃતિ ઈરાની પ્રચારમાં આવ્યા હતા. 112-આણંદના ઉમેદવાર યોગેશ પટેલના કાર્યાલયના ઉદઘાટનમાં સ્મૃતિ ઈરાની આવ્યા હતા. તેઓએ આણંદ પ્રચાર વખતે પાણીપુરીની મજા માણી હતી. ત્યારે સ્મૃતિ ઈરાનીને જોવા માટે લોકોની ભીડ ઉમટી હતી.
