પાટણના સુભાષચોક ખાતે સંવિધાન બચાવો જાહેર સભામાં ઉપસ્થિત રહેલ વિશાળ જનમેદનીને સંબોધિત કરતા વડગામનાધારાસભ્ય જીગ્નેશ મેવાણીએ ભાજપ સરકાર અને આરએસએસ ઉપર આકરા પ્રહારો કર્યા હતા.જીગ્નેશ મેવાણી જણાવ્યું હતુંકે, જેને સ્વતંત્રતાની ચળવળમાં લોહીનું એક ટીંપુ વહેવડાવ્યુ નથી અને અંગ્રેજોની ચાપલુસી કરનારા આજે વિરાંજલીના કાર્યક્રમો આયોજીત કરી પોતે દેશભક્ત હોવાના દાવા કરી રહી છે.
આરએસએસ અને ભારતીય જનતા પાર્ટીના લોકો પોતાનાંમનુવાદને લોક માનસ પર ઢોકી બેસાડવા બાબા સાહેબના સંવિધાનને દુર કરવા મથામણ કરી રહ્યા છે. ત્યારે આવા કહેવાતા દંભી રામ ભક્તોથી લોકોએ ચેતવું પડશે.આ કાર્યક્રમમાં પાટણ ડો ધારાસભ્ય કિરીટભાઈ પટેલ,પ્રવીણભાઈ રાઠોડ,મનોજભાઈ પરમાર સહિત વિવિધ સંગઠનોના આગેવાનો ઉપસ્થિત રહ્યા હતા
