અમદાવાદ સહિત રાજ્યભરમાં વધતા કહેર વચ્ચે રેમડેસિવીર ઈન્જેકશનનો સ્ટોક ખૂટી પડતા ઝાયડસ કંપનીએ વેચાણ બંધ કર્યું હતું. જેના કારણે કોરોનાના દર્દીઓના પરિવારની ચિંતામાં વધારો થયો હતો.
ત્યારે હવે આ ઇન્જેક્શનને લઈ સારા સમાચાર સામે આવ્યા છે. જે મુજબ ઝાયડસ દ્વારા ફરીથી એકવાર રેમડેસિવીર ઈન્જેકશનનું વેચાણ કરવામાં આવશે. રાજ્ય સરકારના પ્રતિનિધિ દ્વારા ઝાયડસ સાથે વાતચીત કરાઇ હતી.
કેન્દ્રીય મંત્રી મનસુખ માંડવીયાએ ટ્વિટ કરીને લખ્યું છે કે, ‘રેમડેસીવીર ઇન્જેક્શનનું વેચાણ ઝાયડસ હોસ્પિટલથી ફરી ચાલુ કરવા અંગે મેં પંકજભાઈ સાથે વાત કરી છે અને બહુ જલ્દી આ વેચાણ વ્યવસ્થા પુનઃ ચાલુ કરવામાં આવશે.’ ફરી એકવાર ઝાયડસ દ્વારા રેમડેસિવીર ઈન્જેક્શનનું વેચાણ શરુ કરવામાં આવશે તેવા અહેવાલ સામે આવતા કોરોનાના દર્દીઓના સગા સંબંધીઓએ પણ રાહતનો શ્વાસ લીધો છે.
