બોલિવૂડ અભિનેત્રી જ્હાન્વી કપૂર અને અભિનેતા રાજકુમાર રાવ , વરુણ શર્માની અપકમિંગ ફિલ્મ ‘રુહી’નું ટ્રેલર રીલીઝ થઈ ગયુ છે. આ ફિલ્મ 11 માર્ચે રિલીઝ થવા જઈ રહી છે. હાલમાં જ ફિલ્મનો પહેલા લૂક જાહેર કરાયો હતો અને હવે ફિલ્મનું ટ્રેલર જાહેર કરવામાં આવ્યું છે, જે યુ-ટ્યૂબ પર ધમાલ મચાવી રહ્યું છે.
ટ્રેલરમાં જ્હાન્વી કપૂરનો હોરર લૂક છવાઈ ગયો છે. અત્યાર સુધી ફેન્સને ફિલ્મોમાં સરળ અને શાંત લૂકમાં દેખાતી જાહ્નવી પહેલીવાર અલગ પાત્ર ભજવી રહી છે. ત્યારે ‘રૂહી’નું ટ્રેલર રિલીઝ કરવામાં આવ્યું છે અને અત્યાર સુધી તેને લાખો લોખો આ ટ્રેલર નિહાળી ચૂક્યા છે.
ટ્રેલરમાં જ્હાન્વી કપૂરના ‘હોરર’ લૂક ઉપરાંત રાજકુમાર રાવ અને વરુણ શર્માનો અંદાજ પણ ખૂબ જ પસંદ કરવામાં આવી રહ્યો છે. ટ્રેલરમાં જાહ્નવી કપૂરને એક ચૂડેલના રૂપમાં બતાવવામાં આવી છે, જેની નજર લગ્ન થઈ રહ્યા હોય તે ઘરો પર હોય છે.
કંઈક આવી છે ફિલ્મની સ્ટોરી
આ ફિલ્મની સ્ટોરીમાં એક ચુડેલ છે જે હંમેશા લગ્ન પ્રસંગવાળા ઘરોમાં દુલ્હન બનીને જાય છે અને વરરાજાને ઉઠાવીને લઈ જાય છે. જાહ્નવી કપૂરના રૂપમાં આ આત્માની મુલાકાત રાજકુમાર રાવ સાથે થાય છે. રાજકુમાર રાવના પાત્રને જાહ્નવી સાથે પ્રેમ થઈ જાય છે. આ બાદ તે જાહ્નવીને આ ચુડેલથી મુક્તિ અપાવવાનું નક્કી કરે છે. આ વચ્ચે જાહ્નવીના પાત્ર અને ચુડેલ સાથે એવું શું થયું હતું કે તે વરરાજાને ઉઠાવીને લઈ જાય છે, તે તો હવે ફિલ્મ જોયા બાદ જ માલુમ પડી શકશે. જોકે ફિલ્મનું ટ્રેલર ‘સ્ત્રી’ ફિલ્મ સાથે મળતું છે, જેમાં રાજકુમાર રાવની સાથે શ્રદ્ધા કપૂરની જોડી જોવા મળી હતી. આ ફિલ્મે બેક્સ ઓફિસ પર ખૂબ ધમાલ મચાવી હતી. હવે જાહ્નવી કપૂર ભૂત બનીને લોકોને ડરાવવા માટે તૈયાર છે. હાલમાં જ ફિલ્મનું પોસ્ટર પણ રિલીઝ કરવામાં આવ્યું હતું.
