કપૂર પરિવાર પર ફરી એક વખત દુખનો પહાડ તૂટી પડ્યો છે. અભિનેતા રણધીર કપૂર અને ઋષિ કપૂરના ભાઈ રાજીવ કપૂરનું નિધન થયું છે. તેઓ 58 વર્ષના હતા.
હાર્ટ અટેકના કારણે તેમનું મોત થયું છે. આજે રાજીવ કપૂરને ચેમ્બુર સ્થિત તેમના નિવાસ સ્થાને જ હાર્ટ અટેક આવ્યો હતો.
રાજ કપૂરનો સૌથી નાનો પુત્ર રાજીવ કપૂરે પોતાની કારકિર્દીની શરૂઆત રાજીવ મહેરાની ફિલ્મ ‘એક જાન હૈ હમ’ થી કરી હતી. જોકે તેને ઓળખ તેના પિતાની ફિલમ ‘રામ તેરી ગંગા મૈલી’થી મળી હતી. એ પછી તે છેક 1990માં ‘જિમ્મેદાર’ ફિલ્મમાં દેખાયો હતો.
