દુબઇના શાસક શેખ મોહમ્મદ બિન રાશિદ અલ મકતૂમની રાજકુમારી પત્નીના પોતાના બોડીગાર્ડ સાથે અનૈતિક સંબંધો હોવાનો ખુલાસો થતા ખળભળાટ મચ્યો છે. એટલુ જ નહીં રાજકુમારી હયાએ ચૂપ રહેવા માટે બોડીગાર્ડને આશરે 12 કરોડ રુપિયા પણ આપ્યા હતા.
બ્રિટન કોર્ટમાં ચાલી રહેલા કેસની સુનાવણીના આધારે એક મીડિયા રિપોર્ટમાં આ દાવો કરાયો હતો. દુબઇના શાસકે પત્ની હયાને જાણ બહાર શરિયા કાનૂન હેઠળ 2019માં તલાક આપી દીધા હતા.
રિપોર્ટ મુજબ રાજકુમારી હયાનો બોડીગાર્ડ પરણેલો હતો અને રાજકુમારી હયા સાથે અફેરના લીધે લગ્ન તૂટી ગયા હતા. પ્રિન્સેસ હયા તેમના બોડીગાર્ડને મોંઘી ભેટ આપતી હતી જેમાં 12 લાખની ઘડિયાળ અને 50 લાખની બંદૂક સામેલ હતી. તેઓ દુબઇના શાસક શેખ મોહમ્મદ બિન રાશિદ અલ મકતૂમની છઠ્ઠી અને સૌથી નાની ઉંમરના પત્ની હતા. તેઓ વર્ષો પહેલા દુબઇ છોડી બ્રિટનમાં જઇ વસ્યા હતા. બાળકોની કસ્ટડી લેવા માટે તેમણે બ્રિટન કોર્ટમાં કેસ કર્યો હતો, જેનો ચુકાદો તેમના પક્ષમાં આવ્યો હતો.
