તમે WWF અથવા WWEનું નામ તો સાંભળ્યુ જ હશે જે એક પ્રોફેશનલ રેસલીંગ ચેલેન્જ ગેમ છે. જેમાં રેસલર રીંગમાં જઈને એકબીજા સાથે બાથમબાથી કરતા હોય છે. જ્હોન સીના, અંડરટેકર, બટીસ્ટા, રોક અને ત્રીપલ એચ જેવા ઘણા રેસલર આ શોમાં રીંગમાં ફાઈટ કરતા જોવા મળે છે.
નાના બાળકોથી લઈને મોટી ઉંમરના લોકો આ શોના દિવાના છે. ત્યારે હાલમાં જે વિડિયો વાયરલ થયો છે તેમાં એક નાનકડો બાળક પણ જાણે WWEમાં જવાની પ્રેક્ટિસ કરતો હોય તેમ જોવા મળી રહ્યો છે.
મળતી માહિતી મુજબ, સોશિયલ મીડિયામાં અવાર નવાર અવનવા વિડિયો વાયરલ થતા હોય છે. જે જોઈને ઘણી વખત જોનારાઓને મોજ પડી જતી હોય છે તેમાંય ખાસ કરીને નાના બાળકોની મસ્તી કરતા વિડિયો ખૂબ વાયરલ થઈ રહ્યા છે. ત્યારે હાલમાં એક બાળકનો વિડિયો વાયરલ થઈ રહ્યો છે. વાયરલ વિડિયોમાં એક બાળક રમકડાના રેસલર સાથે રીંગમાં ફાઈટ કરતો નજરે પડી રહ્યો છે. વિડિયોમાં જોઈ શકાય છે કે આ બાળક પણ રોક, અંડરટેકર, જ્હોન સીનાની જેમ દાવપેચ રમી રહ્યો છે. આ વિડિયો હાલ સોશિયલ મીડિયામાં ખૂબ વાયરલ થઈ રહ્યો છે.
