હાથી પર બેસીને યોગનો અભ્યાસ કરાવવો યોગ ગુરુ બાબા રામદેવેને ભારે પડ્યો છે. તે હાથી પર બેસીને યોગ કરાવતા સમયે અચાનક નીચે પડી ગયા હતા. બાબા રામદેવનો હાથી પરથી નીચે પડી રહેલો વીડિયો સોશિયલ મીડિયા પર વાયરલ થઈ રહ્યો છે. લગભગ 22 સેકન્ડનો આ વીડિયો મથુરાના કોઈ આશ્રમનો હોવાનું જાણા મળ્યુ છે.
જો કે રાહતની વાત એ રહી કે તેમને કોઈ ગંભીર ઈજા થઈ નથી. જેવા તેઓ પડ્યા કે સ્ફૂર્તિથી ઊભા થઈ ગયા અને સરળતાથી ચાલવા લાગ્યા હતા. આ ઘટનાનો વીડિયો સોશિયલ મીડિયા પર ખુબ વાયરલ થયો છે. વીડિયોમાં જોઈ શકાય છે કે રામદેવ મથુરાના કોઈ આશ્રમમાં એક હાથીની પીઠ પર બેસીને યોગાસન શીખવાડતા હતા.
Baba ramdev fell off from an elephant 😯 while doing yoga🧘on it , has sustained severe injuries in spine. #GetWellSoon #BabaRamdev pic.twitter.com/9SJYXTBOb8
— Niharika Dutta! Psychologist (@DuttNiharika) October 13, 2020
શરૂઆતમાં તો બધું યોગ્ય લાગે છે પણ અચાનક બાબા રામદેવનું બેલેન્સ બગડી જાય છે અને તે હાથી પરથી નીચે પડી જાય છે. કહેવામાં આવી રહ્યું છે કે આ દુર્ઘટનામાં તેમને વધારે ઇજા પહોંચી નથી. વીડિયોમાં જોઈ શકાય છે કે જેવા બાબા રામદેવ નીચે પડે છે કે તરત જ તેઓ સ્ફૂર્તિ સાથે ઉભા થઈ જાય છે.
