સલમાન ખાનને દબંગ 3ની રીલિઝની જેટલી આતુરતા છે તેનાથી ઘણા વધુ આતુર તેના ફેન્સ છે. દબંગ 3 ક્રિસમસ પર રીલિઝ થવાની છે અને સલમાન ઘણા સમયથી તેને પ્રમોટ કરી રહ્યો છે. પણ ફિલ્મને પ્રમોટ કરવાની સાથે-સાથે તેના દ્વારા ડેબ્યૂ કરનારી સાઈ માંજરેકરને પણ ખૂબ પ્રમોટ કરી રહ્યો છે.તાજેતરમાં સલમાને સાઈ સાથે એક રિયર વ્યૂ સેલ્ફી ઈન્સ્ટાગ્રામ પર શેર કરી. સેલ્ફીને જોઈ ફેન્સની કૉમેન્ટ્સનું પૂર આવી ગયું અને બધા સલમાન તથા સાઈની કેમિસ્ટ્રીના ખૂબ વખાણ કરી રહ્યા છે. જણાવી દઈએ કે,દબંગ 3માં સાઈ સલમાનનો લવ ઈન્ટરેસ્ટ બનશે.
સાઈ ફિલ્મમાં ચુલબુલ પાંડેની જિંદગીમાં ત્યારે આવી જ્યારે તે દબંગ નહોતો બન્યો. પણ દબંગ બન્યા બાદ તેની જિંદગીમાં રજ્જોની એટલે કે સોનાક્ષી સિંહાની એન્ટ્રી થાય છે. દબંગ 3માં સાઉથનો સ્ટાર કિચ્ચા સુદીપ વિલનના રોલમાં જોવા મળશે.બીજી તરફ સલમાનની અન્ય ફિલ્મોની વાત કરીએ તો તે પ્રભુદેવાની ફિલ્મ રાધે : ઈન્ડિયાઝ મોસ્ટ વૉન્ટેડમાં પણ જોવા મળશે. આ ફિલ્મનું શૂટિંગ શરૂ થઈ ચૂક્યું છે અને તે સલમાન સ્ટારર પ્રભુદેવાની જ ફિલ્મ વૉન્ટેડની સીક્વલ છે. ફિલ્મ 2020માં ઈદ પર રિલીઝ થશે.
