શાહિદ કપૂરની પત્ની મીરા રાજપૂત કપૂર ફિલ્મ ઈન્ડસ્ટ્રીની નથી પણ તે ટૂંક જ સમયમાં એટલી ફેમસ બની ગઈ છે કે તેની ફેન ફોલોવિંગ દિવસેને દિવસે ઊંચી જઈ રહી છે. મીરાના ફેન્સ તેને મોટી સ્ક્રીન પર જોવા ઈચ્છે છે અને એવી ચર્ચા પણ હતી કે મીરા પતિના પગલે ફિલ્મ ઈન્ડસ્ટ્રીમાં એન્ટ્રી કરશે. પરંતું હવે એક નવી વાત સામે આવી છે જેમાં મીરાને ફિલ્મોમાં જોવા માગતા ફેન્સ માટે દિલ તોડવા જેવી વાત બની શકે છે. હવે જે રિપોર્ટ્સ સામે આવ્યા છે તેમાં કહેવાઈ રહ્યું છે કે, મીરા રાજપૂત એક્ટિંગ નહીં પણ બિઝનેસ વર્લ્ડમાં એન્ટ્રી કરવાની જોર-શોરથી તૈયારીઓ કરી રહી છે.
મીરા વેજ રેસ્ટોરન્ટ ખોલવા માટેના કેટલાક પ્લાન્સ તૈયાર કરી રહી છે અને હોટલ માટે જગ્યા પણ શોધી રહી છે. રિપોર્ટ્સનું માનીએ તો રેસ્ટોરન્ટ માટે બાંદ્રા-જુહુ વિસ્તારમાં સારી જગ્યાની સાથે શેફને પણ શોધી રહી છે. મીરા આ દિવસોમાં પોતાના જિમ વર્કઆઉટ્સ પર પણ ઘણું ધ્યાન આપી રહી છે અને તેની જિમ લુકની તસવીરો પણ સોશિયલ મીડિયામાં વાઈરલ થતી રહે છે. જણાવી દઈએ કે મીરા અને શાહિદના લગ્નના 4 વર્ષથી વધારે સમય થઈ ગયો છે અને તેના બે બાળકો છે.
