બોલિવુડ એક્ટ્રેસ વાણી કપુરે તાજેતરમાં સોશિયલ મીડિયા પર એક ફોટો પોસ્ટ કરતા બધાનું ધ્યાન ખેંચાયું હતું. તેના આ પ્લન્જિંગ ટોપની નેકલાઈન પર રામ શબ્દ લખેલો છે જેના કારણે તે કેટલાક લોકોના નિશાને આવી ગઈ હતી. રામ નામ લખેલ ડિપ લાઇન ટોપ પહેરતા જ વિવાદ સર્જાયો હતો અને લોકોની ધાર્મિક ભાવના આહત કરવા માટે તેની સામે મુંબના એન.એમ. જોશી રોડ પોલીસ સ્ટેશનમાં ફરિયાદ પણ નોંધાઈ છે.
ફરિયાદી રામ સાવંત નામના વ્યક્તિએ પોતાની ફરિયાદમાં જણાવ્યું કે તે ભગવાન રામ પ્રત્યે અપ્રતીમ નિષ્ઠા અને શ્રદ્ધા ધરાવે છે. ત્યારે બોલિવુડની એક્ટ્રેસ વાણી કપૂરના એક ફોટોમાં દર્શાવવામાં આવેલ ટોપ પર લખેલો રામ શબ્દ તેની ધાર્મિક ભાવનાને ઠેંસ પહોંચાડે છે. તો સોશિયલ મીડિયામાં પણ આ ટોપ પહેરવા માટે વાણી કપૂરને ટ્રોલ કરવામાં આવી હતી.
