મુંબઈમાં નોકરી અને પોતાનું ઘર હોવું તે એક સપના સમાન છે. ત્યારે બોલિવુડની એક એક્ટ્રેસ એવી છે જેનું સપનું 10 વર્ષની મહેનત બાદ પૂરું થયું છે. ઓસ્ટ્રેલિયન ડેન્ટલ અને આંત્રપ્રિન્યોર ડો. તુષાન ભિંડી સાથે હાલમાં સગાઈ કરનારી એવલિન શર્માએ સપનાનું ઘર ખરીદી લીધું છે. એવલિને ખુશીના આ સમાચારને ફેન્સ સાથે પોતાના સોશિયલ મીડિયા હેન્ડલ દ્વારા શેર કર્યા છે. એવલિન શર્માએ ડ્રીમ હોમની કેટલીક તસવીરો શેર કરી છે અને મુંબઈ જેવા શહેરમાં નવું ઘર લેવાનું સપનું પૂરું કરવા માટે તેણે પોતાના એક દશકા જેટલા લાંબા બોલિવુડ કરિયરનો આભાર માન્યો છે.
તસવીરો શેર કરીને કેપ્શનમાં તેણે જણાવ્યું હતું કે, મેં મારા જીવનમાં ઘણી રિબિન કટ કરી છે પરંતુ કાઈ પણ ક્યારેય પણ મારા ઘરની રિબિન કટ કરવા જેટલું ખાસ રહ્યું નથી. બોલિવુડમાં 10 વર્ષ પૂરા કર્યા તેનો આભાર અને મુંબઈમાં એક સુંદર ફ્લેટનું સપનું પૂરુ કરવા માટેની મારી જર્ની અદ્દભુત રહી. એક્ટ્રેસે અંધેરીના ડી.એન. નગર વિસ્તારમાં ફ્લેટ ખરીદ્યો છે. એવલિન શર્મા સોશિયલ મીડિયા પર ખૂબ એક્ટિવ રહે છે અને પોતાના ફેન્સને પણ દરેક બાબતથી અવગત રાખે છે.
