એક્ટ્રેસ ઈલિયાના ડિક્રૂઝે પોતાની અત્યાર સુધીની કરિયરમાં રણબીર કપૂરથી લઈને અજય દેવગણ અને વરુણ ધવન જેવા સ્ટાર્સ સાથે કામ કર્યું છે.
તેના ફેન્સ એ જાણવા ઉત્સાહિત છે કે શું તે સલમાન ખાન સાથે કામ કરશે. હાલમાં જ ઈલિયાનાએ તેનો જવાબ આપ્યો અને તે સાંભળીને ફેન્સ પણ ચોંકી ગયા. એક ઈન્ટરવ્યૂ દરમિયાન ઈલિયાનાએ ફેન્સ દ્વારા પુછવામાં આવેલા સવાલનો ટ્વિટર પર જવાબ આપતા કહ્યું કે તેને સલમાન ખાન સ્ટારર કિક અને વોન્ટેડ માટે અપ્રોચ કરવામાં આવ્યો હતો. અન્ય કોઈ કારણોથી આ ફિલ્મમાં તે કામ કરી શકી નહોતી.
ઈલિયાની વાત માનીએ તો, વોન્ટેડમાં આયશા ટાકિયાના રોલ માટે તેનો અપ્રોચ કરવામાં આવ્યો હતો. તે સમયે એક્ઝામ ચાલી રહી હતી તે માટે તે ફિલ્મમાં કામ નહોતી કરી શકી. જ્યારે કિક ઓફર કરવામાં આવી ત્યારે તે પોતાની ડેટ્સ અન્ય ફિલ્મોને આપી ચૂકી હતી. પાછળથી જેક્લીન ફર્નાન્ડિસે ફિલ્મ સાઈન કરી હતી.
