ઓડી ઈન્ડિયાએ લક્ઝરી કાર સેગમેન્ટમાં તેની સ્થિતિ મજબૂત કરી છે અને છેલ્લા કેટલાક વર્ષોમાં વેચાણની દ્રષ્ટિએ જબરદસ્ત વૃદ્ધિ નોંધાવી છે. શાનદાર લુક અને ફીચર્સ સાથે પાવરફુલ એન્જિનથી સજ્જ ઓડી કાર લક્ઝરી કાર પ્રેમીઓની ફેવરિટ બની રહી છે. આ દિવસોમાં તમે પણ તમારા માટે ઓડી કાર શોધી રહ્યા છો, તો આજે અમે તમને ઓડી ઈન્ડિયાની તમામ 14 કારની એક્સ-શોરૂમ કિંમતો જણાવવા જઈ રહ્યા છીએ. ઓડીનું સૌથી ઓછું કિંમતનું મોડલ ઓડી A4 છે, જેની કિંમત 43.85 લાખ રૂપિયાથી શરૂ થાય છે.
50 લાખથી ઓછી કિંમતની ઓડી કાર
50 લાખ રૂપિયાથી ઓછી કિંમતની ઓડી ઈન્ડિયાની કારની વાત કરીએ તો, ઓડી A4ની કિંમત 43.85 લાખ રૂપિયાથી લઈને 51.85 લાખ રૂપિયા સુધીની છે. જ્યારે, Audi Q3ની કિંમત 44.89 લાખ રૂપિયાથી 50.39 લાખ રૂપિયા સુધીની છે.
1 કરોડ સુધીની ઓડી લક્ઝરી કાર
50 લાખથી રૂ. 1 કરોડની કિંમતની રેન્જમાં ઓડી ઇન્ડિયાની કારની વાત કરીએ તો, ઓડી Q3 સ્પોર્ટબેકની કિંમત રૂ. 51.43 લાખ છે. જ્યારે, Audi S5 સ્પોર્ટબેકની કિંમત 73.99 લાખ રૂપિયા છે. Audi Q5ની કિંમત રૂ. 61.51 લાખથી રૂ. 67.31 લાખ સુધીની છે. Audi Q7 ની કિંમત રૂ. 84.70 લાખથી રૂ. 92.30 લાખ અને Audi A6ની કિંમત રૂ. 61.60 લાખથી રૂ. 67.76 લાખ સુધીની છે.
